Vida cooperativa
En Som Energia fomentamos unha implicación activa na nosa actividade. Por iso convidamos as persoas socias máis activas a participaren na difusión do noso labor ou asistindo a feiras e eventos.
Ademais, se te asociaches, podes participar en grupos locais e conectar con colectivos afíns.
En Som Energia contamos con persoas valentes, comprometidas e que están dispostas a transformar o futuro.
Consulta as nosas ofertas de emprego e únete ao equipo que impulsa o cambio fomentando o emprego dunha enerxía xusta, limpa e comunitaria.
![[esc]hola, us espacio de aprendizaje donde pueden participar todas las personas, sean socias o no](https://back.somenergia.coop/storage/app/uploads/public/685/e93/67d/thumb_2907_208_313_0_0_crop.webp)
![[esc]hola, us espacio de aprendizaje donde pueden participar todas las personas, sean socias o no](https://back.somenergia.coop/storage/app/uploads/public/685/e93/67d/thumb_2907_355_533_0_0_crop.webp)
Neste espazo de aprendizaxe poden participar todas as persoas, sexan socias ou non.
Na [esc]hola organizamos charlas, obradoiros, conferencias e debates durante unha fin de semana (polo xeral, no outono). Con isto pretendemos ampliar o coñecemento, compartir experiencias e fortalecer a comunidade.
É un espazo de formación onde reflexionamos sobre o cooperativismo e a enerxía segundo os principios da economía social e solidaria.
Únete ás nosas formacións en liña: tes unha modalidade de acceso permanente e outras que son impartidas en datas e horas concretas.
Asemblea Xeral
Máximo órgano de decisión onde nos reunimos anualmente para abordar cuestións clave, como balances financeiros, o rumbo estratéxico ou as políticas internas. Facémolo por medio do diálogo e o voto.
A Gran Conversa
Encontro bienal de reflexión e participación no que debatemos sobre un tema que centrará a nosa estratexia a medio prazo. Aquí non votamos, senón que reflexionamos de forma colectiva para atopar solucións.
Participa
Se xa te asociaches, podes acceder a esta plataforma para coñecer os organismos de participación da cooperativa. Tamén poderás intervir en espazos de diálogo, encontrar puntos en común e aprobalos.
Consello Reitor
É o noso órgano de representación e goberno. Estabelece as directrices xerais de actuación segundo a política fixada por diversos organismos, como a Asemblea Xeral de Som Energia e a Lei de cooperativas.
Intervención de Contas
Garante a transparencia económica de Som Energia porque revisa as contas e prepara un informe detallado que comparte na Asemblea Xeral.
Calquera persoa socia pode presentar a súa candidatura para unirse á Intervención de Contas e é a Asemblea Xeral a que escolle os membros.
Hackasom vén de hacker e Som Energia. Trátase dun lugar de encontro entre persoas que achegan os seus coñecementos de informática e programación para crear un futuro sostíbel grazas á tecnoloxía.
Som Energia é unha cooperativa sen ánimo de lucro e finánciase principalmente grazas ás achegas voluntarias das persoas e entidades socias, o que garante independencia e estabilidade económica.
Estas achegas permiten financiar proxectos de xeración novos e asegurar que a cooperativa siga a medrar para transformar o modelo enerxético.
