Grupos locais de Som Energia
Os grupos locais son espazos de participación voluntaria onde as persoas socias se unen para desenvolver accións dirixidas a difundir a cooperativa. Hai grupos en distintas áreas xeográficas. Máis abaixo podes buscar os grupos máis próximos a ti.
Os grupos locais desenvolven diversas liñas de traballo:
Organizan charlas, coloquios e actos para difundir o labor da cooperativa.
Organizan foros de formación e debate sobre o rumbo de Som Energia.
Estabelecen vencellos con colectivos afíns e proxectos locais.
Actúan como nexo entre as persoas socias e a cooperativa.
Ao te unires a un grupo local, formas parte activa do cambio. Busca no mapa de grupos locais activos e contacta co que che quede máis preto.
Unha vez ao ano, todos os grupos locais encóntranse nalgún punto do territorio español para crear un espazo de debate e reflexión. Durante estas xuntanzas, os grupos locais, o equipo técnico e outros órganos da cooperativa comparten experiencias e buscan novos camiños para acadar ese futuro limpo, sostíbel e respectuoso co planeta.
Tes dúas canles para coñecer as actividades dos grupos locais:
Nesta plataforma atopas información relevante e documentación. Tamén podes debater e votar nos procesos participativos que leva a cabo cada grupo. Calquera persoa socia pode acceder a Participa, sexa ou non dun grupo local.
Nel atoparás as novas máis recentes do teu grupo local.
