Sobre nos
Demostramos que é posíbel ofrecer enerxía 100 % renovábel desde unha cooperativa sen ánimo de lucro.
Idealistas? Non: inconformistas.
Que é Som Energia
Proveemos energía 100% renovable, sostenible y accesible para todos.
Nuestra misión es transformar el modelo energético, poniendo el poder en manos de las personas.
Defendemos un compromiso firme con la justicia social y la lucha contra el cambio climático.
No esperamos el cambio, somos activistas que impulsan una transición energética real y efectiva.
Garantizamos una transparencia radical, con toda la información clara sobre dónde y cómo se utiliza cada euro.
Ofrecemos una energía limpia y justa, con un precio transparente que refleja el coste real y sin intereses ocultos.
Valores
Como somos unha cooperativa sen ánimo de lucro, reinvestimos parte dos beneficios económicos en crear plantas novas de enerxías renovábeis.
E hai máis: traballamos pondo os valores sobre a mesa. Con eles chegamos até aquí e hannos acompañar aló onde vaiamos:
Reducimos a pegada de carbono xeralizando o emprego de enerxías renovábeis certificadas.
Fomentamos a participación, tomamos as decisións de forma colectiva e cada voto conta.
Pomos as persoas no centro e cremos no coñecemento como motor de cambio.
Pomos especial atención á inclusión das diversidades e á equidade de xénero. Cremos nun futuro xusto para todas as persoas.
Non temos nada que agochar, polo que publicamos as nosas cifras e decisións sen complexos, sen adobíos.
Fortalecemos o tecido cooperativo e fomentamos a participación das persoas socias, sempre.
Todas as nosas decisións están orientadas a xerar cambios positivos na sociedade.
Temos un mundo de razóns que nos levan a seguir esforzándonos para que Som Energia siga a medrar, mais quedamos con estas tres:
Espertar a ilusión. Demostrar que si é posíbel transformar o sistema enerxético español. Acabar coa apatía, o desencanto e o aburrimento. Facer que o mundo sexa máis verde. Cal é a túa?
Até hoxe, máis de 85 000 persoas decidiron asociarse a Som Energia porque saben que a vida está máis alá dos combustíbeis fósiles ou da enerxía nuclear. A vida está no sol, no vento, no que a natureza nos ofrece.
Disque somos idealistas, mais somos inconformistas porque procuramos novas vías:
É o principal órgano de representación e está formado por persoas voluntarias e non-remuneradas.
Traballamos máis de 130 persoas en 15 equipos diferentes. Coñécenos.
Temos protocolos e formación para garantir que Som Energia siga a ser un espazo seguro.
Asociáreste a Som Energia é unha filosofía de vida na que o teu diñeiro e as túas decisións adquiren outro valor.
Ao te asociares a Som Energia, potencias as enerxías renovábeis no teu territorio.
Isto significa que, coa túa decisión, estás a coidar da túa contorna e das persoas que te rodean.
Historia de Som Energia
… que quería iluminar un mundo atestado de combustíbeis fósiles.
Un grupo de exestudantes e docentes da Universitat de Girona unímonos para procurar unha alternativa aos combustíbeis fósiles.
As renovábeis avanzaban demasiado devagar porque nin as empresas nin as institucións impulsaban o cambio. Así naceu o noso obxectivo: ofrecer enerxía 100 % renovábel a un prezo xusto e romper co dominio das grandes compañías.
Dicían que eramos idealistas, mais en 2010 creamos a cooperativa e en 2011 comezamos a operar. O que parecía un soño fíxose realidade: a revolución enerxética estaba en marcha.
Hoxe aquela muxica…
… dá luz a case 120 000 persoas que cren que outra forma de consumir é posíbel.
Somos unha cooperativa sen ánimo de lucro, mais con ánimo de cambio. E o mellor está por vir. Úneste?
Producimos de 2012 a 2024
162.004 MWh
Se un fogar español consome 3000 kWh/ano de electricidade, o que producimos serviría para fornecer aproximadamente 54 000 fogares durante un ano.
Evitamos a emisión (entre 2012 e 2024) de
26.469,59 toneladas de CO₂
Este CO₂ sería o que absorberían 1 323 479 árbores durante aproximadamente un ano.
Máis de
4.600
persoas socias e non-socias recibiron formación gratuíta en enerxías renovábeis para seguir expandindo a nosa mensaxe polo mundo.
Non es idealista: es inconformista. Fai que as túas facturas da luz sirvan para construír un futuro xusto e sustentábel.
