Non, non é como unha asociación. Unha cooperativa é unha organización xestionada democraticamente polas persoas socias, onde todos os votos valen o mesmo.

Nela traballamos profesionais de diferentes ámbitos: enxeñaría, comunicación, dereito, comercialización etc. O funcionamento interno é similar ao dunha empresa, mais móvennos principios distintos aos meramente económicos e tomamos as decisións importantes de xeito colectivo.

Un dos principios do cooperativismo é que as persoas socias contribúen equitativamente ao capital da organización e que o xestionan democraticamente. Por iso temos órganos como a Intervención de Contas, que publica un informe anual con toda a nosa actividade económica para que despois todas as persoas socias poidamos votalo na asemblea xeral, con toda a información na man.

As asociacións céntranse en obxectivos sociais ou culturais sen fins económicos. En cambio, as cooperativas si levan a cabo actividades empresariais e reinvisten as súas ganancias en prol dos seus membros ou do seu proxecto.

No caso de Som Energia, consideramos que ese beneficio está en seguir a potenciar o crecemento das enerxías renovábeis (por exemplo, creando novas plantas de enerxía solar). Porén, haberá outras cooperativas que o invistan en pór unha horta ecolóxica na azotea ou en mercar computadores novos para que o equipo traballe mellor. 

Se te asocias a Som Energia, poderás votar as decisións máis importantes que tomamos e o teu voto valerá o mesmo que o de todas as demais socias. Unha vez ao ano xuntámonos en asemblea xeral, onde tomamos decisións sobre cuestións económicas, organizativas e sociais.

Non hai socio maioritario ningún. Ninguén investiu unha cantidade de diñeiro imposíbel para pór este proxecto a andar. Non hai ninguén que leve un beneficio económico.

Non, asociáreste a Som Energia non implica recibir beneficios económicos. Se te asocias, é para acadar un impacto social e ambiental positivo. Cando te unes a Som Energia, contribúes a impulsar as enerxías renovábeis e apoias un modelo de consumo sustentábel e cooperativo.

Ademais, como persoa socia podes contratar enerxía 100 % renovábel coa cooperativa e apadriñar outras persoas para que tamén poidan contratala. Formares parte da cooperativa tamén che permite participar de forma activa nos procesos de decisión e participación.