Guri buruz
Erakutsi dugu irabazi-asmorik gabeko kooperatiba bat kapaza dela energia % 100 berriztagarria eskaintzeko.
Idealistak gara? Ez, inkonformistak.
Zer da Som Energia?
Energia % 100 berriztagarria, jasangarria eta eskuragarria hornitzen dugu.
Gure misioa da eredu energetikoa eraldatzea eta boterea pertsonen esku jartzea.
Gizarte-justiziarekin konpromiso irmoa dugu eta klima-aldaketaren alde borroka egiten dugu.
Ez gaude aldaketaren zain; benetako energia-trantsizioa eraginkor bat sustatzen duten ekintzaileak gara.
Erabateko gardentasuna bermatzen dugu. Euro bakoitza non eta nola erabiltzen den azaltzen dugu argi eta garbi.
Energia garbi eta justua eskaintzen dugu, benetako kostua ezkutuko interesik gabe islatzen duen prezio garden batean.
Balioak
Irabazi-asmorik gabeko kooperatiba bat garenez, etekin ekonomikoen zati bat energia-instalazio berriztagarri berriak sortzeko berrinbertitzen dugu.
Baina bada beste zerbait: balioak mahai gainean jarrita lan egiten dugu. Izan ere, balio horiek honaino lagundu digute eta bidelagun izango ditugu iristen garen lekuraino:
Karbono-aztarna murrizten dugu energia berriztagarri ziurtatuen erabilera orokortuz.
Parte-hartzea sustatzen dugu, erabakiak denon artean hartzen ditugu eta boto guztiak dira garrantzitsuak.
Pertsonak erdigunean jartzen ditugu eta ezagutza aldaketen motorra dela uste dugu.
Arreta berezia jartzen dugu dibertsitatearen inklusioan eta genero-ekitatean. Pertsona guztientzako etorkizun justu batean sinisten dugu.
Ez dugu ezer ezkutatzen; horregatik, gure zifra eta erabaki guztiak argitara ematen ditugu, konplexu edota apaindurarik gabe.
Ehun kooperatiboa sendotzen dugu eta bazkideen parte-hartzea sustatzen dugu beti.
Gure erabaki guztien helburua da gizartean aldaketa positiboak piztea.
Hamaika arrazoi ditugu Som Energiak hazten jarraitu dezan lan egiteko. Baina hiru hauek dira garrantzitsuenak:
Erakustea posible dela Espainiako energia-sistema aldatzea. Apatia, desilusioa eta asperdura desagerraraztea. Azken finean, mundua berdeagotzea. Zein da zure arrazoia?
Gaurdaino, 86.000 pertsona baino gehiago egin dira Som Energiaren bazkide, badakitelako bizitza erregai fosilak eta energia nuklearra baino gehiago dela. Bizitza eguzkia da, haizea da, naturak eskaintzen diguna.
Idealistak garela diote, baina inkonformistak gara, bide berrien bila ari garelako.
Gure ordezkaritza-organo nagusia ordaindu gabeko boluntarioek osatzen dute.
130 langile baino gehiago gara, 15 taldetan banatuta. Ezagutu gure taldea.
Protokoloak eta ikastaroak egiten ditugu Som Energia espazio segurua dela bermatzeko.
Som Energiaren bazkide egitea bizitza-filosofia bat da: zure diruak eta zure erabakiek beste balio bat dute.
Bazkidetzen zarenean, energia berriztagarriak sustatzen dituzu zure lurraldean.
Horrek esan nahi du, zure erabakiarekin, zure ingurunea eta inguruan dituzun pertsonak zaintzen ari zarela.
Som Energiaren historia
...erregai fosilez gainezka zegoen mundu bat argitu nahian.
Gironako Unibertsitateko ikasle ohi eta irakasle batzuk elkartu ginen erregai fosilen aurrean alternatiba bat bilatzeko.
Energia berriztagarriek motelegi egiten zuten aurrera, enpresek eta erakundeek ez zutelako aldaketa bultzatzen. Hala sortu zen gure helburua: energia % 100 berriztagarria eskaintzea prezio justu batean eta konpainia handien nagusitasuna zalantzan jartzea.
Idealistak ginela zioten, baina Kooperatiba 2010ean sortu eta 2011n operatzen hasi ginen. Ametsa errealitate bihurtu zen: energiaren iraultza martxan zegoen.
Gaur egun, txinparta horrek...
... argiz hornitzen ditu kontsumitzeko beste modu bat dagoela sinisten duten ia 120.000 pertsona.
Irabazi-asmorik gabeko baina aldaketa-asmo handiko kooperatiba bat gara. Eta onena iristear dago oraindik. Bazatoz?
Gure ekoizpena 2012tik 2024ra:
162.004 MWh
Espainian, familia batek, urtean, 3.000 kWh elektrizitate kontsumitzen badu, gure ekoizpenak 54.000 familia inguru hornituko lituzke urtebetez.
2012tik 2024ra saihestu ditugun emisioak:
26.469,59 tona CO₂
CO₂ kantitate hori xurgatzeko 1.323.479 zuhaitz inguru beharko lirateke urtebetez.
Gutxienez
4.600
bazkidek eta ez bazkidek energia berriztagarrien inguruko doako ikastaroak egin dituzte, munduan zehar gure mezua zabaltzen jarraitzeko.
No eres idealista, eres inconformista: haz que tus facturas de la luz sirvan para construir un futuro justo y sostenible
