Som Energiaren tokiko taldeak

Energia-trantsizioa bultzatzeko eragile aktiboa izan zaitezke

Som Energiaren bazkideak elkartu egiten dira tokiko taldeak osatzeko eta energia-trantsizioan eragile aktiboak izateko

Tokiko taldeak parte-hartze boluntarioan oinarritutako guneak dira, non bazkideak Kooperatiba zabaltzeko ekintzak garatzeko asmoz elkartzen baitira. Tokiko taldeak hainbat eremu geografikotan sortu dira.  Behean zugandik hurbilen dauden taldeak bilatu ditzakezu.

Las personas socias que forman parte de los Grupos Locales desarrollan diferentes líneas de trabajo para difundir la labor de la cooperativa

Zein da tokiko taldeen lana?

Hauek dira tokiko taldeen lan-lerroak:

  • Kooperatibaren eginkizuna zabaltzeko solasaldiak, mahai-inguruak eta ekitaldiak antolatzen dituzte.
  • Prestakuntza-foroak eta Som Energiaren norabidea erabakitzeko eztabaida-foroak antolatzen dituzte.
  • Loturak ezartzen dituzte antzeko interesak dituzten kolektiboekin eta tokiko proiektuekin.
  • Bazkideen eta Kooperatibaren arteko lokarria dira.

 

Tokiko taldeetako kideak aldaketa bultzatzeko eragile aktiboak dira. Bilatu mapan aktibo dauden tokiko taldeak eta jar zaitez harremanetan hurbilen duzunarekin.

Tokiko Taldeen Topaketa

Urtero, tokiko taldeak elkartu egiten dira esperientziak partekatzeko eta etorkizunaren gainean hausnarketa egiteko. Elkarrekin bide berriak bilatzen dituzte planeta errespetatzen duen eredu iraunkor bat eraikitzeko.

Ikusi hurbilen duzun tokiko taldeari buruzko informazio guztia

Tokiko taldeen jarduerak ezagutzeko bi kanal dituzu:

Participa

Plataforma honetan informazio garrantzitsua eta dokumentazioa aurkituko dituzu. Era berean, tokiko taldeek egiten dituzten partaidetza-prozesuetan eztabaidatzeko eta bozkatzeko aukera duzu. Bazkide guztiak sartu daitezke Participa gunean, tokiko taldeko kideak izan ala ez.

Informazio gehiago

Som Energiako tokiko taldeen bloga

Hemen aurkituko dituzu zure tokiko taldeari buruzko azken albisteak.