O órgano que garante a transparencia económica de Som Energia
Trátase dun órgano social de Som Energia que ten como principal misión seguir a actividade económica da cooperativa. O seu propósito é constatar ante as persoas e entidades socias que as contas son correctas e propor a súa aprobación á Asemblea Xeral.
A Intervención de Contas coñece de primeira man a información e xestión económica de Som Energia. Por iso pode achegar ideas e suxestións (sempre dentro do ámbito económico) para garantir que a nosa xestión financeira sexa coherente cos valores e o obxecto social da cooperativa.
A Intervención de Contas é un órgano formado por tres persoas socias elixidas pola Asemblea Xeral.
O labor que levan a cabo é voluntario e non-remunerado, aínda que perciben unha compensación polas viaxes e outros gastos. Isto asegura a accesibilidade de calquera persoa que queira formar parte deste órgano.
Para formar parte da Intervención de Contas, cómpre presentar unha candidatura, que será sometida á elección durante a asemblea xeral. O cargo dura 3 anos, é voluntario e non está remunerado.
O habitual é que as candidaturas se abran uns meses antes de que remate o mandato. Se tes interese en presentar unha candidatura, mantente ao tanto das nosas novas.
