Participa no Generation kWh
Formulario de participación en Generation kWh
As persoas socias poden facer unha achega a Som Energia para nos axudar a pór en marcha plantas de enerxías renovábeis. A cambio, pagan a electricidade a prezo de custo mentres reciben a devolución do empréstito.
Preguntas Frecuentes
En Generation kWh poden participar todas as persoas e entidades socias de Som Energia que teñan cando menos un contrato en vigor. Se aínda non es membro, asóciate.
Recomendámosche prestar como máximo o equivalente ao 70 % do teu consumo eléctrico. No entanto, podes emprestar a cantidade necesaria para producir o 100 %, ou máis, do teu uso eléctrico actual.
Atoparás esta información na factura da luz (contámoscho aquí). Se tes máis dun punto de subministración (por exemplo, dúas vivendas ou unha vivenda e mais unha oficina), podes calcular o consumo total para decidir que porcentaxe da túa electricidade queres cubrir con Generation kWh.
Cada ano recibirás unha transferencia desde Som Energia coa parte proporcional do empréstito que teñas realizado. Este reembolso chegarache ao longo dos 25 anos que dure o proxecto, a un xuro do 0 %.
A primeira transferencia chegará 24 meses logo de formalizares o empréstito, xa que estabelecemos unha carencia dun ano para garantir a posta en marcha das plantas financiadas con este proxecto.
Para información detallada sobre prazos de retorno e amortización anticipada, podes consultar as condicións do contrato de empréstito.
A electricidade a prezo de Generation kWh comeza 12 meses despois de faceres a achega económica. Mentres, podes contratar a luz con Som Energia.
A cada persoa ou entidade participante correspóndenlle aproximadamente 170 kWh anuais por cada acción enerxética adquirida. Segundo esta cifra, podes calcular que che corresponderá unha cantidade de enerxía proporcional ao empréstito que teñas feito.
Se tes máis dun contrato, podes decidir como repartir os kWh a prezo de Generation kWh. Por exemplo, se tes a túa casa e, ademais, un centro de traballo cun consumo alto, é posíbel que che compense levar a maior parte do consumo de Generation kWh á oficina no canto de deixalo na casa, onde o consumo adoita ser menor.
A electricidade que recibas de Generation kWh será a prezo de custo.
Até agora, a tarifa de Generation kWh foi máis barata ca as tarifas por períodos de Som Energia, é dicir, quen participou en Generation kWh experimentou un aforro na factura eléctrica en comparación coa tarifa por períodos.
Participar en Generation kWh comporta:
- Potenciares o emprego de enerxías renovábeis e respectuosas coa contorna.
- Obteres unha parte da túa factura a prezo de custo durante 25 anos.
- Recuperares o 100 % da túa achega económica nas condicións do contrato de empréstito.
Non, non é posíbel escoller unha planta concreta, xa que a túa achega se destina a todos os proxectos en conxunto.
Unha vez asociáseste a Som Energia, xa podes participar en Generation kWh. Se estás a pensar en acceder a este proxecto, suxerímosche que te poñas en contacto connosco para ter toda a información.
Do mesmo xeito, cada vez que nace un proxecto novo, enviámoslles un correo electrónico ás persoas e entidades socias da zona para lles dar a posibilidade de participaren nesta iniciativa. Aínda non te asociaches?
Asóciate agora a Som Energia para coñecer que estamos a crear no teu territorio.
O potencial aforro anual obtido grazas á tarifa de Generation kWh considérase un rendemento en especie. Polo tanto, de se producir este aforro, Facenda aplica unha retención do 19 % por conta do IRPF. Som Energia enviarache o certificado de retencións correspondente.
Podes consultar as condicións xerais do contrato de empréstito nesta ligazón.