Contratar a luz con Som Energia é rápido, doado e non require cambios na instalación. Só hai que ser socio ou socia da cooperativa e encher este formulario.

Preguntas frecuentes

Podes ver as condicións xerais do contrato para a comercialización de electricidade de Som Energia neste enlace.

  • O teu número de socio ou socia de Som Energia. Se aínda non formas parte da cooperativa, faite socia aquí.
  • Unha factura eléctrica actual.
  • O teu número de conta bancaria.

As persoas socias poden ser titulares de tantos contratos como desexen. Ademais, tamén poden facerse responsables dun máximo de cinco contratos de electricidade doutros titulares.

Non se pode cambiar a potencia e/ou tarifa no momento de contratar a luz con Som Energia. O cambio pódese solicitar unha vez o voso contrato coa cooperativa xa estea activado.

Lamentablemente en Som Energia non podemos ofrecer o Bono Social. Por lei, este desconto só se aplica se se ten a luz contratada cunha das cinco grandes empresas comercializadoras do mercado regulado (CUR). Se queres saber se tes dereito ao Bono Social, consulta esta ligazón.

Compramos a enerxía que consumen as nosas socias/os no mercado maiorista eléctrico e acadamos certificados de garantía de orixe que avalan unha produción de enerxía de fontes 100% renovables. O subministro de electricidade realízase empregando a rede eléctrica existente. O custo das peaxes de transporte vese reflectido na factura das socias. Paralelamente, impulsamos proxectos de produción de enerxía a partir de fontes renovables financiadas con achegas económicas voluntarias das socias. Queremos chegar a cubrir o 100% da demanda enerxética das socias coa produción dos proxectos propios da cooperativa.

Podes solicitar unha modificación de potencia e/ou cambio de tarifa enchendo o Formulario de solicitude de Modificacións de contrato.